सपना रमाइलो कि यथार्थ ?

स्मारीका पाण्डे

सपना काल्पनिक दुनियाँमा आधारित संरचना हो । हामीले सपनामा जे पनि कल्पना गर्न सक्छौं । सपनामा हामी चरा झैं आकाशमा उड्न सक्छौं, समयमा अघि पछि गर्न सक्छौं, पुराना प्रियजनहरुसँग भेट गर्न सक्छौं, आफ्नो इच्छाहरु पुरा गर्न सक्छौं र सोचे झैँ जीवन बिताउन सक्छौं ।

वास्तविकतामा जे भए पनि सपनामा अक्सर मानिसले आफु सफल र रमाइलो जीवन बिताएको देख्न चाहन्छन् । सपनाले हाम्रो अवचेतन मनमा विचार र इच्छाहरुलाई चित्रण गरी कठिनाई भएको यथार्थमा आफुलाई भाग्यशाली शरण प्रदान गर्दछ । सपनाले आशा बढाउँछ र आत्मा र अवस्थामा नयाँ भावना जागृत गर्छ । सपनाहरूले हाम्रो जीवनमा रमाइलो र सुख उत्पन्न गर्न सक्छ, जसले हाम्रो मानसिक र आत्मिक स्थिति परिवर्तन गर्न सक्छ ।

वास्तविकताले मानिसको पहिचान दिन्छ, जीवनको कटु सत्य दर्शाउँछ, हाम्रो जिम्मेवारिता प्रस्तुत गर्दछ, र अद्भुत सम्पर्कहरूको उत्सव, रहर, प्राप्त गर्ने मद्धत पुर्याउँछ जुन सपनाहरूमा पाए पनि महसुस गर्न सकिँदैन । वास्तविकताले हामीलाई सिक्न, परिप्रेक्ष्य लिन, र मान्यता दिन मद्धत गर्दछ । जीवनमा सफलता, असफलता, प्रसन्नता, उत्साह, दुख र निराशा आदिबारे हाम्रो अनुभव वास्तवमा विविध छन् तर सपनामा भने हामीले जीवनका रोचक पहलुहरूलाई स्वागत गर्न प्रयास गर्दैछौं । समयसँगै हामीले जीवनका अवगति र अपगतिहरूसम्म पुग्दै गर्दा हामीलाई कल्पनाले भरिपूर्ण जीवन नै रमाइलो लाग्दै जान्छ । जीवनको वास्तविकताले हामीलाई सिक्न र परिप्रेक्ष्य लिनका लागि तालिम दिन्छ ।

सपना जति काल्पनिक र मनोरन्जनले भरिपूर्ण भए पनि बाँच्नु त वास्तविकतामा नै पर्छ । सपनामा हामी सफल, खुसी र सम्पन्न हुन सक्छौं होला तर त्यस सपनालाई साकार गर्न यथार्थिक जीवनमा नै मेहेनत गर्नु पर्छ । सपनादेखि सपनालाई यथार्थमा बाँच्न मेहेनत गर्ने मानिसलाई सपना र यथार्थ दुबै रमाइलो लाग्छ तर यथार्थमा मेहेनत नगर्ने र केबल कल्पनामा रमाउने मानिसलाई भने सपना रमाइलो लाग्छ ।

…
(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)