झाङ्गिदै फल्छु, खुला चाहिन्छ ठाउँ, फर्सी मेरो नाउँ
फर्सी
शान्ता भट्टराई
झाङ्गिदै फल्छु म नि खुला चाहिन्छ ठाउँ
अङ्ग्रेजीमा ‘पम्किन’ रे, फर्सी मेरो नाउँ ।
मधेसी बोलीचालीमा ‘कदिमा’ भन्छन्
मलाई पनि तरकारीको वर्गभित्रै गन्छन् ।
पहेँलो फूल फुल्छ, खस्रा हुन्छन् पात
जमिनमा लहरिएर हिँड्ने मेरो जात ।
सानो हुँदा मलाई ‘कैँडा’ पनि भन्छन्
पाकेपछि कतिले त उसिनेर खान्छन् ।
तारेर फर्सीको फूल मीठो हुन्छ खान
फलसँगै ‘मुन्टा’ पनि खाइन्छ है जान ।
काट्दाखेरी चुलेसीले ‘चर्र’ आवाज आए
मीठो ! छ फर्सी भन्ने सबले थाहा पाए ।
पाकेको फर्सीमा भिटामिन ‘ए’ पाइन्छ
त्यसैले त खोजी खोजी फर्सी नै खाइन्छ ।
मेरो पनि कहिँ कतै खराब पक्ष पनि छ रे
दमको रोग हुनेले चँ फर्सी खान हुन्न अरे ।
…
(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)
