इन्टिरियर डिजाइनिङः बुझ्नेलाई श्रीखण्ड, नबुझ्नेलाई खुर्पाको बिंड

प्रतिक्षा सेढाईं

इन्टिरियर डिजाइनिङ कुनै ठाउँको सौन्दर्यलाई बढाउने कुञ्जी हो । कुनै पनि प्रकारको बस्ने वा कार्य गर्ने ठाउँहरू निर्माण गर्ने क्रममा यो एउटा महत्वपूर्ण कारक हो, जसबाट सुनमात्र होइन, सुनमा अझ सुगन्ध समेत थपिनेछ । इन्टिरियर डिजाइनरहरूको सहयोगमा, कुनै पनि ठाउँ दुवै सौन्दर्य र कार्यात्मक पक्षहरूको विचार गरेर निर्माण गर्न सकिन्छ । इन्टिरियर डिजाइनरले योजना, अनुसन्धान, निर्देशांक र परियोजनाहरू प्रबन्ध गर्छन् ।

इन्टिरियर डिजाइन एक बहुपक्षीय पेशा हो, जसमा अवधारणाको विकास, रिक्त स्थानको योजना, साइट निरीक्षण, प्रोग्रामिङ, अनुसन्धान, परियोजनाको सरोकारवालाहरूसँग कुराकानी, निर्माण प्रबन्धन, र डिजाइनको कार्यान्वयन समावेश छ । इन्टिरियर डिजाइनरहरूले ती परियोजनाहरूमा रिक्त स्थानको आधारभूत लेआउटको व्यवस्था गर्न ती परियोजनाहरूका झ्याल र ढोकाको स्थिति, ध्वनि र प्रकाशजस्ता प्राविधिक पक्षहरुको बारेमा बुझ्दछन् ।

हाम्रो समाजमा इन्टिरियर डिजाइन कुनै नयाँ विषय होइन । र, यो धेरै व्यक्तिको रूचिको विषयहरूमध्ये एक हो । तर, अझै पनि इन्टिरियर डिजाइनलाई सही तरिकाले कमै पाइन्छ । नेपालमा, इन्टिरियर डिजाइनलाई यस्तो विषयको रूपमा लिइन्छ, जसले केवल एक निश्चित वर्गका मानिसहरूलाई मात्र लक्षित गर्दछ । तर, इन्टीरियर डिजाइन यस्तो विषय हो, जसले विज्ञान र कला दुवैलाई समावेश गर्दछ र हरेक प्रकारको परिवारलाई बस्नको लागि रमाइलो घर दिने प्रयास गर्दछ । इन्टिरियर डिजाइनले निश्चित समूहलाई मात्र लक्षित गर्दैन । यसले त सम्पूर्ण समाजलाई लक्षित गर्दछ।

इन्टिरियर डिजाइनलाई एक महँगो र विलासी तत्वको रूपमा लिइन्छ । तर, वास्तवमा, इन्टिरियर डिजाइनले कुनै पनि ठाउँलाई यसको कार्यक्षमता दिन्छ र यसले उचित मूल्यमा स्थानको गुणस्तर सुधार गरेर जीवनस्तर पनि उकास्दछ । इन्टिरियर डिजाइनले जीवनको गुणस्तर र व्यक्तिको संस्कृति बढाउँदछ । यसले बस्ने स्थानको गुणस्तर पनि सुधार गर्दछ र सही ठाउँमा सही आइटमहरूको सही प्रयोग सुनिश्चित गर्दछ । एक उत्तम इन्टिरियर डिजाइनिङ भनेको मूल्य प्रभावकारी संसाधनहरूको साथ मूल्यवान डिजाइनहरूको उचित संयोजन हो ।

इन्टिरियर डिजाइनरले दृश्यलाई वास्तविकतामा रूपान्तरण गर्छन् ।

…
(प्रतिक्षा इन्टिरियर डिजाइनिङका जानकार हुन् । उनले नेपालनाम्चामा नियमित लेख्छिन् । तपाईं पनि इन्टिरियर डिजाइनिङबारे आफुले जानुबुझेको कुरा लेख्नुहोस् र पठाउनुहोस्, nepalnamcha@gmail.com मा ।)