महामारीमा मनोरञ्जनको ‘भ्याक्सिन’
पर्यटकीय केन्द्र ठमेलको छायाँ सेन्टरमा नायक शिव श्रेष्ठको प्रस्तुतिमा बनेको ‘एउटा यस्तो प्रेम कहानी’ नामक चलचित्रको पोष्टर तथा टाइटल गीत सार्वजनिक भएको छ ।
कार्यक्रममा फिल्मको शीर्ष गीत ‘म तिम्रो आँखाबाट यो संसार देख्न चाहन्छु, म एउटा यस्तो प्रेम कहानी लेख्न चाहन्छु’ सार्वजनिक प्रदर्शनी गरिएको थियो । रिलिज भएको शीर्ष गीतलाई विश्व नेपाली र अस्मिता परियारले स्वर दिएका छन् भने संगीत वसन्त सापकोटाले ।
कार्यक्रममा नायक श्रेष्ठले विश्वभर महामारीको रुपमा आएको कोरोनाको कारण नेपालको चलचित्र उद्योगले भोगेको समस्यालाई दृष्टिगत गरी चलचित्रको छायाँकन र प्रदर्शन खुलाउन चलचित्रकर्मीहरुले ठूलो प्रयास गर्नुपरेको बताए ।
उनले कोरोना भाइरसको संक्रमणबाट बच्न आवश्यक सावधानी अपनाउँदै आम नेपालीलाई मनोरञ्जन दिने नेपाली चलचित्रहरु प्रदर्शन गरेर मनोरञ्जनको भ्याक्सिन दिन पाउँदा आफूलाई निकै सन्तोष लागेको बताए ।
