प्रेमः स्थिर छु तर पनि भावनामा बगिरहेकी छु

पर्खाइ

रोशनी कटवाल

आशा र निराशाको भुमरीमा छु
स्थिर छु तर पनि भावनामा बगिरहेकी छु
कोही होला नहोला मेरो लागि, अन्योलमा छु
र पनि म उस्कै पर्खाइमा छु ।

समयको चक्रब्युमा फसेकी छु
जिन्दगीको भिडमा हराएकी छु
हराएकी मलाई भेट्टाउने कोहि होला नहोला
र पनि म उस्कै पर्खाइमा छु ।

वसन्तमा प्रकृतिसँगै शीतल सुस्केरो लिँदै, वाह
बेसुर जिन्दगीमा सातै स।गमको मेल गराउँदै
कस्तो अवस्थामा भेटिएला त ऊ
न भेटिएसम्म उस्कै पर्खाइमा छु ।

पिरतीको स्वाद नचाखेकी म
मह झै मीठो पिरतीको स्वाद लिएर
पहिलो प्रेमको मीठो आभास गराउन
आउला कि नआउला, अन्योलमा छु
र पनि म उस्कै पर्खाइमा छु ।

…
(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)