योगदान तिम्रो अमर बनुन्, गर्छौं हामी सम्मान

रितु शाक्य

धर्तिको पबित्र भूमिमा माताको ममता र स्नेह छल्कियो
जगत शुद्द बनाइदिने एउटा अमर आत्मा जन्मियो ।

बुद्ध जन्मे, सीता जन्मिन्, जन्मे कति महापुरुष महान
कलियुगमा जन्मे यहाँ सद्गुरु हाम्रा उही समान ।

दुखः पिडा पिर मर्का चिन्ता सब हट्ने तय भो
सद्गुरुका दिब्य प्रकाशले सारा कष्ट हल भो ।

पिता तिमी माता तिमी साथी संगी पनि तिमी
ब्रम्हा, विष्णु, महेश तिमी पूर्ण ब्रम्ह झैँ तिमी ।

तन जल्छ, मन जल्छ जब, शितल जल बनिदिन्छौ
बाटो बिराई भात्किरहनेको मार्गदर्शक तिमी हुन्छौ ।

तिम्रो सानिध्य यति मिठो विश्व जगत भुलाइदिने
माया, मोह, द्वेष क्लेशरुपी बन्धन सारा हटाइ दिने ।

श्रद्धा, भक्ति, विश्वासका साथ मेरो जीवन सुम्पेको छु
मोक्ष्य दिने भगवान मानि तिम्रो बाटो रोजेको छु ।

सद्गुरु तिम्रा चरणकमलमा कोटी कोटी प्रणाम
योगदान तिम्रो अमर बनुन्, गर्छौं हामी सम्मान ।


(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)

Leave a Reply

Your email address will not be published.

सम्बन्धित समाचार

Back to top button