अज्ञानरुपी अन्धकार हटाइदिने तिमी, ज्ञानरुपी प्रकाश फैलाइदिने तिमी
रितु शाक्य
शुभकामना, शुभकामना, शुभकामना
जन्मदिनको लाख लाख शुभ बन्दना ।
पिता तिमी, माता तिमी, गुरू पनि तिमी
प्रीत तिमी, मीत तिमी, इश्वर झैं तिमी ।
रात बित्छ, दिन बित्छ, बित्छ वर्ष दिन
याद आउछ सधैं तिम्रो, हर क्षण क्षण ।
ज्ञान तिम्रो, विद्या तिम्रो, ध्यान पनि तिम्रो
सुख शान्ति आनन्दको मार्ग पनि तिम्रो ।
तिम्रो प्यार हौशलाले सुन्दर लाग्छ सब
जिन्दगीको हर मोड सहज लाग्छ तब ।
माया मोह अहंकार दुख क्लेश हट्छ
दया करुणा श्रद्धा भक्ति भित्रबाटै जाग्छ ।
बिज ब्रम्ह परमात्मा चिनाइदिने तिमी
आफै भित्र इश्वर तत्व जगाइदिने तिमी ।
अज्ञानरुपी अन्धकार हटाइदिने तिमी
ज्ञानरुपी प्रकाश फैलाइदिने तिमी ।
फ्याँकिएको हुत्त्याईएको बिजलाई टिपी
माया ममता सिंचित गरी वृक्ष बनाइदियौ ।
गुरू ऊर्जा फैलाई सबको पिडा हरण गर्यौ
ढुंगारुपी ज्यानलाई देवता बनाइ छोड्यौ ।
यस्ता तिमी महाज्ञानी दिब्य ज्योति रहेछौ
तिम्रो साथ पाई हामी धन्य धन्य भएछौं ।
…
(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)
श्रध्देय गुरूदेवकाे जन्म दिनमालेखिएकाे कविता अति सुन्दर भावले भरिएकाे छ। कल्याण मित्र ऋतु शाक्यमा हार्दिक आभार।