पढ्ने अठोट भएपछि जसरी पनि समयको व्यवस्थापन हुन्छ
नेपालनाम्चाको नयाँ स्तम्भ ‘किताब’मा डा.नवराज खतिवडा ।
१. तपाईंले किताब पढ्न रुचाउन सुरु गरेको समय कहिले हो?
विद्यालय स्तरमा पाठ्यपुस्तक ईत्तर पुस्तक पुरस्कार पाएपछि ।
२. किताब पढाइले तपाईंको दैनिकीमा कस्तो भूमिका खेल्छ?
पढ्ने अठोट भएपछि जसरी पनि समयको व्यवस्थापन हुन्छ ।
३. तपाईं प्रायः कुन समयमा किताब पढ्न मन पराउनुहुन्छ? बिहान, दिउँसो कि बेलुका?
कुनै खास समय निर्धारित छैन ।
४. किताब पढ्दा तपाईंलाई कस्तो अनुभूति हुन्छ?
आनन्दको अनुभूति हुन्छ र नयाँ संसारमा पुगे जस्तो हुन्छ ।
५. कुन प्रकारका किताब तपाईंलाई मन पर्ने गर्छ, प्रेरणादायी, रमाइलो, शान्त बनाउने, सोच जगाउने आदि?
अभूतपूर्व लेखन भएको नयाँ सोच जगाउने पुस्तकहरु मन पर्छन् ।
६. किताब पढ्नाले तपाईंको सोच वा जीवन–दृष्टिमा कस्तो परिवर्तन ल्याएको छ?
कुनै समूहमा वा व्यक्तिसंग कुरा गर्न नौला खुराकहरु उपलब्ध हुन्छ, यसले साथीभाइसँग सम्पर्क सन्जाल बढाउन मदत मिलेको छ ।
७. तपाईं कागजी किताब मन पराउनुहुन्छ कि डिजिटल? किन?
कागजी किताव । किनभने यसले स्पर्श अनुभूति हुन्छ र कुनै संयत्र प्रयोग नगरी अफलाईन पनि पढ्न सकिन्छ ।
८. नियमित रूपमा किताब पढ्ने बानी बनाउन तपाईंले कस्तो विधि अपनाउनुहुन्छ?
बाध्यात्मक परिस्थिको सिर्जना ।
९. किताब पढ्दा तपाईंले सामना गर्ने मुख्य चुनौती के हो?
पुस्तकले तानेन भने अघि बढ्न सकस हुन्छ ।
१०. तपाईंले पढेको कुराले अरूसँग कुराकानी वा विचार–विनिमय गर्न कत्तिको प्रेरित गर्छ?
यसको उत्तर माथी बुँदा नँ ६ मा दिईसकेको छु ।
११. किताब पढ्न सुरु गर्न चाहने नयाँ पाठकलाई तपाईंको सरल सुझाव के हो?
जीवनमा केही नगुमेको अनुभूति गर्नुछ भने पुस्तक पढ्नु जरुरी छ ।
१२. आजको व्यस्त र डिजिटल जीवनशैलीमा पनि किताब पढाइ किन महत्वपूर्ण छ भनेर तपाईं कसरी बुझाउनुहुन्छ?
पुस्तकका बहुआयामिक फाईदाको कुरा गरेर ।
…
(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)
