आयो फागु फेरि फर्की खुसीको रङ बोकी
हाम्रो अनुपम होली
प्रियाम्सु पुडासैनी
कक्षा ९, स्वर्णिम स्कुल, डल्लु आवास ।
आयो फागु फेरि फर्की,
खुसीको रङ बोकी,
दुःख-पीडा सबै हर्दै,
माया बाँड्न हो कि ?
जताततै उमङ्ग त्यस्तै,
हर्ष अनि उल्लास छ,
धर्ती पनि मख्ख परी,
हाँसी खुसी बिन्दास छ ।
सयौँ थरी रङ्ग सरी
उज्ज्वल मुहार सबैको आज,
माया, प्रेम, स्नेह मात्रै,
छैन रिस कसैको माझ ।
रङ्गीन जलले निथ्रुक्क भिजी,
अबिर दली मन खोली,
थाक्दैन तन आज छिट्टै,
नसकी यो रमाइलो होली ।
नीलगगन, स्वच्छ पवन,
फूलझैँ ढकमक्क छ,
चराचरीको चिरबिरसँगै,
धर्ती यो गमक्क छ ।
मिठाई मिष्ट, नसा भाङको,
चञ्न्चल छ मन फुरुङ्ग,
स्वदेश-परदेश सबतिरको यो
माहोल खुसी उमङ्ग ।
बच्चादेखि ती बुढाबुढीसम्म,
थामिएनमनकसैकोआज,
हरेक मानिसको शिरमा त्यहाँ
चम्किला ती खुसीका ताज ।
आजको जस्तै सधैं रहोस्
एकता खुसीको घेरो,
मनैदेखिको मायाप्रेमले,
शुभकामना छ मेरो ।
महान् होलीको रङ्ग भरेर
शुभकामना छ मेरो ।
