दाङको मेरो प्रिय घोराही
मेरो माटो
ललिता रोकाया पुन
घोराही, दाङ ।
लामो अनि सुन्दर सपना बोकी आउँछन् मान्छेहरु
मानव सभ्यताको खानी हो
कोरोना कहरमा पनि झुकेन
झुक्ने छैन कहिले पनि
निडर भयर अगाडि बढ्ने छ
मेरो प्रिय घोराही ।
चारैतिर हरिया पहाडले घेरिएको उपत्यका छ
विकासको रुपले समृद्ध छ
समृद्धिको बाटोमै छ
मेरो प्रिय घोराही ।
जालीफटाहा, अन्याय, अत्याचारविरुद्ध लड्नै पर्छ
गरिब दुखीहरुका मन मनमा बस्नै पर्छ
मेरो प्रिय घोराही ।
हिजो पनि झुकेनौ
आज पनि झुकेनौ
झुक्ने छैनौ कहिले पनि
निरन्तर अगाडि बढ्ने छौ
मेरो प्रिय घोराही ।
हो, मलाई तिम्रै समिपमा आउन मन लाग्छ
मलाई यहि ठाउँ मन पर्छ
मलाई यहि उपत्यका मन पर्छ
मेरो प्रिय घोराही ।
(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
