मन्चविहिनको मन्च फेरि सुरु
कोरानाको कारण रोकिएको मन्चविहिनको मन्च फेरि सुरु भएको छ । यसपटक कुञ्ज थिएटरमा सिर्जना वाचन गरेर यो सुरु भएको हो । मन्चबिहिन मन्च घोस्ट राइटिंग नेपालको सिर्जनात्मक लेखन प्रशिक्षबाट प्रशिक्षितहरु गंगा खड्का, शान्ता पोखरेल, रेजु पोखरेल र लिलामाया ढकालको अग्रसतामा अघिल्लो बर्ष सुरु भएको हो ।
अनुराधा शर्मा, निर्मला बराल, रुद्र अधिकारी, बिमला अधिकारी देवकोटा, बबिता थापा, प्रज्ञा खनाल, कुसुम भटराई, पवित्रा दाहाल, उत्तम विचार, मृत्युन्जय झा, सिर्जना शर्मा, खगेन्द्र घिमिरेलगायतले रचना वाचन गरेका थिए ।
महिनाको दोस्रो शनिवार हुने कार्यक्रमको चैत्र अंक उपत्यका बाहिर गरिने कार्यक्रम संयोजक गंगा खड्काले बताइन् । कार्यक्रम सभापति कमल ढकालले धेरै पछि कुन्जमा भएको गुन्जनले उत्साहित भएको बताए ।
