भीष्मको कला ‘वृक्ष’
कविता
भीष्म उप्रेती
मानिसहरू मलाई एक्लै उभिएको देख्छन्
हावाहुरी, घामपानी
पहिरो, बाढी
र मान्छेको विषादीयुक्त कालो स्वार्थजस्ता
अनेकौं प्रतिकूलताहरूको बीचमा
एक्लै उभिनु त साह्रै गाह्रो काम हो
एक्लो शक्ति
एक्लो आकांक्षा
र, एक्लो प्रयत्न
कहाँ उभिन सक्छ र बलियोसँग ?
मलाई थाहा छ
मसँग थुप्रै जराहरू छन्
जमिनमुनिबाट जराहरूले
कसरी अड्याएका छन् जमिनमाथिको मलाई !
मानिसहरू मलाई एक्लै उभिएको देख्छन्
तर म एक्लो कहाँ छु !
मेरो शक्ति र सामथ्र्य
मेरा जराहरू हुन् ।
…
(प्रिय साथी ! तपाईं पनि आफ्ना प्रिय वा अप्रिय याद, घटना, अनुभव र सपनाहरुलाई लेख्नुस् । र, कविता, कथा वा निबन्ध लेख्नुस् र पठाउनुस् नेपालनाम्चाको इमेल nepalnamcha@gmail.com मा ।)
