त्यो केवल सालिक थिएन, विशाल नेपालको सुत्रधार थियो

nepalnamcha.com२०७९ पुष २८

114

पृथ्वी एक इतिहास

दुर्योधन वस्नेत

कुनै दिन
कथित यो वा त्यो मानेमा
आक्रोश पोखिंदा ऊमाथि
कलाकारिताको उत्कृष्ट नमुना
निर्जिव उसको पत्थरको शरीर
ढल्यो ग्रल्याम ग्रुलुम
चकनाचुर हुँदै
विलिन भयो पुथ्विको गर्भमा
ढाल्नेहरु आत्मरतिमा रमाए
मिशन सफलताको खुसियाली मनाए
र संसार जितेको महशुश गरे
तर त्यो केवल पत्थर थियो
नितान्त निर्जिब पत्थर
फेरि पनि
प्रतीक थियो महान इतिहासको
र त सालिकरुपी पत्थर नष्ट भयो
इतिहास ज्युँ का त्युँ रह्यो
हो त्यहि ईतिहास पुजिदै छ आज
तिनै सालिक ढाल्नेहरुबाटै
सम्मानित भएको छ
किनकी त्यो केवल सालिक थिएन
महान इतिहास थियो
विशाल नेपालको सुत्रधार थियो
एकताको प्रतीक थियो ।