म त माया गरिहाल्छु अहोरात्र तिमीलाई

गजल

पवनकुमार बुढाथोकी

तिमी त फूल जस्तो बास्ना बनेर आऊ है
चम्किरहने तारा उदाएको गनेर आऊ है ।

म त माया गरिहाल्छु अहोरात्र तिमीलाई
मेरै र मलाई मनपर्ने प्रेयसी भनेर आऊ है ।

तिमीमा छ मेरो आड र भरोसा जिन्दगीको
तिमी पनि मलाई आफ्नै मात्र ठानेर आऊ है ।

तिमीलाई के के मन पर्छ त्यहि नै दिन्छु म
मैले भनेका सबै कुराहरु अब मानेर आऊ है ।

मेरो मन खाने को छ र स्वार्थी यो समाजमा
यो कुरा चाँही तिमीले भित्रैदेखि जानेर आऊ है ।

…
(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)