हाम्रा जग्गालाई किन तीन धुर भन्नुभयो ?
गजल
कविता केशरी
आमा यो ठाउँको नाम चाहिँ सुन्दरपुर भन्नुभयो
हाम्रा जग्गालाई किन तीन धुर भन्नुभयो ?
माटाको गाह्रो छ पराले छानो छ झुपडीमा
हावाले हल्लायो कि झर्दछ खुरखुर भन्नुभयो ।
नामथर बताउँछन् अरुले परिचय दिंदा
किन हजुरले हामी त मजदुर भन्नुभयो ?
खुत्रुकेभरि पैसा छ साईकल किन्छु भनेको थिएँ
नुनतेल किन्नु छ पारेर झारझुर भन्नुभयो ।
आजकल पर्व धनी मानिसका लागि भएको छ
हामी जस्ता मान्छेको छैन लुर भन्नुभयो ।
…
(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)