सूर्यमती माविको ६६ औं बार्षिकोत्सव भव्यतापूर्वक सम्पन्न (फोटोहरुसहित)

nepalnamcha.com२०७९ माघ ७

राजधानी काठमाडौबाट नजिकै रहेको नुवाकोटको बेलकोटगढी नगरपालिका–१३, ढाँडेफेदीस्थित श्री सूर्यमती माध्यमिक विद्यालयको ६६ औं बार्षिकोत्सव तथा अभिभावक भेला भव्यतापुर्वक सम्पन्न भएको छ । कार्यक्रममा विद्यार्थी, अभिभावक र सरोकारवालाको ठुलो उपस्थिती थियो ।

अभिभावकको तर्फबाट विशेष साँस्कृतिक कार्यक्रम समेत प्रस्तुत भएको सो कार्यक्रममा विद्यार्थीहरुबाट विभिन्न शैक्षिक तथा साँस्कृतिक कार्यक्रम पनि प्रदर्शन गरिएको थियो । कार्यक्रममा स्वर्ण, रजत र काश्य गरी झन्डै २०० बढी विद्यार्थीलाई प्रमाणपत्रसहित पदक प्रदान गरिएको थियो ।

विद्यालय व्यवस्थापन समितीका अध्यक्ष विनोद सेढाईंकोे सभापतित्वमा सम्पन्न सो कार्यक्रम बेलकोटगढी नगरपालिकाका प्रमुख जगतबहादुर गुरुङको प्रमुख अतिथी थिए भने सोही नगरपालिका उपप्रमुख शिव दाहाल, जिल्ला समन्वय समिती सदस्य तथा पूर्व विद्यालय व्यवस्थापन समिती अध्यक्ष सम्झना सेढाईं र जेष्ठ नागरिक हिरादेवी पान्डे, विद्यालय क्षेत्रका वडा अध्यक्ष नवराज पान्डेलगायत विशेष अतिथी थिए ।

१२ कक्षासम्मको अध्यापन हुने सो विद्यालयमा ३५४ विद्यार्थी अध्ययनरत छन् । विद्यालयमा मुख्य गरी बेलकोटगढी नगरपालिका, लिखु र ककनी गाउँपालिकाका विद्यार्थी अध्ययनरत छन् । २ गाउँपालिका र १ नगरपालिकाको संगमस्थलमा रहेको सो विद्यालयमा २२ शिक्षक रहेको विद्यालय व्यवस्थापन समितीका अध्यक्ष सेढाईंले बताए ।