श्रम गरी खान्छु भनी विदेशतिर जाँदा
कविता
ललिता रोकाय पुन
दाङ
चिट्ठी लेख्दै जाँदा रोकिएका हात मेरा
पसिनाले पैसासँग जुटिएका हात मेरा ।
खुशी त कहाँ पाउन सक्थे र आज मैले
ढुङ्गा गिट्टी बालुवामा जुटिएका हात मेरा ।
श्रम गरी खान्छु भनी विदेशतिर जाँदा
दलालीले ठगिएछ खाली भए हात मेरा ।
मलाई घरपरिवारको याद आउँदा सँधै
ती झरेका आशुलाई पुछ्दै गर्ने हात मेरा ।
केहि मनका कुरा आज लेखी पठाऊँ भने पनि
अशिक्षा र अन्धकारमा रोकिएका हात मेरा ।
(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
