चेली कक्षा खुलेको छ आफ्नै गाउँघरमा
दुर्गा क्षेत्री
आयो अब विकासको लहर
छोराछोरी दुवै हुन् बराबर ।
एउटै बुबा एउटै आमा एउटै बस्ने काख
छोरा जान्छन् पाठशाला छोरी वनपाख ।
बाख्रा हेर्ने, खेतमा जाने, घरमा काम गर्ने
जाँतो पिस्ने रोटी हाल्ने, भाँडा धुन पर्ने ।
भए जति सबै काम छोरीले गर्नु पर्ने
छोराचाँहि मालिक नै भएर बस्ने ।
१२ बर्ष छोरी पुगी, बाबुको भाग्य खुल्यो
पाप लाग्छ छोरी बेचे भन्ने कुरा भुल्यो ।
छोरी बेची ऋण तिर्ने भनेर
जाँड रक्सी खायो भट्टीमा बसेर ।
यस्तो रिति हटाउन, लाउन खान जान
चेली कक्षा खुलेको छ आफ्नै गाउँघरमा ।
गर्छौं विकास कक्षामा पढेर
छोराछोरी समान हुन् भनेर ।
…
(नमस्कार ! एउटा कुरा भनौं है, तपाईं पनि लेख्नु न । जीवन र जीवनसँग सम्बन्धित कुनै पनि कुरा लेख्नु । नेपालनाम्चा तपाईंको मिडिया साथी त हो । र, nepalnamcha@gmail.com यसको इमेल हो । यही इमेलमा आफ्नो परिचय, फोटोसहित आफ्ना मनका अनेक कुरा, सबै कुरा पठाउनुहोला ।)
