सरोजवादनमा कवितावचन
दिनेश अधिकारी
कवितालाई विविध ढंगबाट रङ्मञ्चमा प्रस्तुत गरिने परिपाटी अन्यत्र जस्तै नेपालमा पनि हुँदै आएको छ । यसै क्रममा २०६६ असार १५ गते काठमाडौंको गुरुकुलमा यस्तै एउटा कार्यक्रम भयो- ऋतुकालीन रागमा आधारित सरोजवादन र त्यसलाई पछ्याउँदै गरिएको कवितावाचन ।
कार्यक्रमको नाम थियो- सरोदमा कवितावचन ! कालचक्र नेपालले आयोजना गरेको उक्त कार्यक्रममा सरोदवादक रुपा न्यौपानेले कवितालाई सरोदवादनका माध्यमबाट उजागर गरिरहनु भएको थियो भने हामी एक दर्जन कविहरुले कवितावाचन गरेका थियौं।
यो तस्वीर त्यही प्रस्तुतिको सम्झना हो । तस्वीरमा अगाडिपट्टी रुपा न्यौपाने बस्नु भएको छ भने उभिनेमा वायाँबाट क्रमश: राजेन्द्र पराजुली, विप्लव ढकाल, विष्णुविभु घिमिरे, अशेष मल्ल, दिनेश अधिकारी, श्यामल, राजेन्द्र शलभ, बुध्दिसागर, नारायण श्रेष्ठ, बिमला तुम्खेवा, ठाकुर बेल्वासे र श्रवण मुकारुङ देखिएका छौं ।
