मन

nepalnamcha.com२०८१ पुष १४

सुशील लामा
पाँचखाल-११, काभ्रेपलान्चोक, हालः लिमासोल, साईप्रस

तिमी
धेरै सय दिनअगाडि
निर्जीव चोयाको कोक्रामा अबोध बालक
बनी सुतिरहेको बेला म उस्तै थिए ।
थुप्रै हजार दिनपछि
समयको छिनाले छियाछिया
पारेको तिम्रो बूढो जिन्दगीभित्र पनि म उस्तै छु,
तिमीले कहिले मलाई अत्यधिक खुशी बनायौ ।
तर, म पुलकित हुन जानिनँ
कहिँले चाहिने भन्दा बेसी दुखी तुल्यायौ ।
र, पनि कहिल्यै मैले गुनासो पोखिनँ ।
म त मन हुँ ।
तिम्रो दृष्टिमा अटेको सृष्टीमा होइन
बाठा मान्छे हरुको बस्तीमा होइन
तिमीले बनाएको देवताको मन्दिरमा पनि होइन
म त तिम्रो जिउँदो जीवनको
आत्मासँगै रहिरहने
अदृश्य मन हुँ ।