तिम्रो तिरस्कार गर्ने सधैं हुन्छ असफल

कविता/आमा

प्रतिष्ठा तिम्सिना

आमा भन्ने शब्द नै छ महान्
परिवारमा निकै उच्च छ तिम्रो स्थान ।
हर समस्यामा लड्न सक्ने त्यो तिम्रो साहस
कोही कसैले नि गर्न सक्ने छैन यसको उपहास ।

तिम्रो महत्त्वको वर्णनमा खर्चिएका छन् धेरै पानाहरु,
त्यही पनि ती लाग्छन् फिका, अगाडि तिम्रा विचित्र रूपहरू ।
तिमीले सिकाएको पथमा हिँड्ने, जो कोही बन्दछ असल
तिम्रो तिरस्कार गर्ने, सधैं हुन्छ असफल ।

वर्षमा एक दिन औँसीमा, आमालाई गरी सम्मान
हुँदैन है हाम्रो कर्तव्य पूरा, लौ बुझौँ है समस्त जन ।