म सक्दै छु जवानी गजल लेखेर
गमुको पाठशाला-१३९ बाट उत्कृष्ट तीन गजलमध्ये एक
सरस्वती पौडेल (सरु)
भरतपुर-५, चितवन ।
के सुनाउँ कहानी गजल लेखेर
म सक्दै छु जवानी गजल लेखेर ।
खै के सम्झौतामा बेचे कोशी, गण्डकी
म खोज्दै छु त्यो पानी गजल लेखेर ।
सपना त हर रात रंगिन हुन्छ्न् सधैं
तर निराश छन् बिहानी गजल लेखेर ।
म फर्काउन चहान्छु देश भित्रै अब
पासपोर्ट र राहदानी गजल लेखेर ।
खोजौँ सबैले यो चुच्चे नक्साको छेउ
पाउँला कि कतै निशानी गजल लेखेर ।।
…
(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
