जागै आँखा सपना देखिरहन्छु
गमुको पाठशाला-१३८ बाट उत्कृष्ट तीन गजलमध्ये एक
मीना चौलागाईं
पाँचखाल, काभ्रे ।
हरदिन पर्खिरहेछु दोबाटो जसरी
कल्पनाहरू बुन्दै हतासो जसरी ।
घामपानी सहँदै अविचलित बनेर
मायाका झार उमार्दै पाखो जसरी ।
निस्पट्ट अन्धकारमा छु वर्षौदेखि
आउनेछौ पक्कै दियालो जसरी ।
जागै आँखा सपना देखिरहन्छु
झर्छौ सोचेर शितल छाँगो जसरी ।
रमाएको मन त आँसु झर्न रैुछ
आयौ तर फर्कियौ हतारो जसरी ।
(सत्यकथा, कथा, लघुकथा, कविता, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
