लुतो जा

कविता

विद्या सागर पाण्डेय
स्याङ्जा

स्वेच्छाचारी लुतो जा
भ्रष्टाचारी लुतो जा
अहंकारी लुतो जा
कुसंस्कारी लुतो जा
अत्याचारी लुतो जा
महा मारी लुतो जा ।

गुट बन्दी लुतो जा
फुट बन्दी लुतो जा
लुट बन्दी लुतो जा
झुट बन्दी लुतो जा
बन्दाबन्दी लुतो जा
व्यापार मन्दी लुतो जा ।

भोक मारी लुतो जा
गरिबीको लुतो जा
महंगीको लुतो जा
बेरोजगारी लुतो जा
लुतो जा लुतो जा लुतो जा
नेपाल र नेपालीको सबै खाले लुतो जा ।

(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)