मास्कको मपाईं
कवितामा मास्क महिमा
शकुन्तला देवकोटा
धुलो, धुँवा, रोगबाट बच्ने ठूलो आश
त्यही भएर लगाइहिँड्छौ आजभोलि मास्क ।
नाक मुख छोपी हिँड्दा गाह्रो फेर्न सास
जति गाह्रो भए पनि लाउनै पर्छ मास्क ।
कति ठूलो माग तिम्रो संसारभर छायौ
सबको पालो आउँछ भन्थे, तिम्ले स्थान पायौ ।
चाइनाबाट ल्याउनु पर्ने तिम्रो त्यतै मुल
उत्पादन नगर्नु नि हाम्रो थियो भुल ।
भाइरसको प्रवेशसँगै तिम्रो खोज बड्यो
दिनदिनै पाउन छाड्यो तिम्रो मूल्य चड्यो ।
सबले थाहा पाउँदै गए मास्क नलगाई हुन्न
तिमीलाई लगाई हिँड्दा खेरी भाइरसले छुन्न ।
सार्वजनिक ठाउँमा पहिले खोल्नु पर्थो फेस
आजभोलि भिन्न भाछ मास्ककै चल्छ केस ।
स्वस्थ भै बाँच्नलाई त खुल्ला ठाउँ ठिक
भिड्भाड देख्दाखेरी लाग्छ सारै दिक्क ।
(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
