अनि बिहे गर्न मनै नभएकालाई छोरी नखोज तिमी
कविताः जोरी नखोज तिमी
भरतकुमार न्यौपाने
झापा ।
ठुला खालका मानिससँग
जोरी नखोज तिमी
अनि बिहे गर्न मनै नभएकालाई
छोरी नखोज तिमी ।
यी दुवै खाले मान्छेका लागि
आफू अगाडि लागेर के फाइदा ?
बरु चुपचाप बस
त्यसैमा छ काइदा ।
आफू लँगडोजस्तो गरेर
न लरखराउ
सबैले हेप्ने छन्
अनि आफू कहिल्यै
होचो नबन
सबैले छेक्ने छन् ।
बरु हिमाल झैं अटल बन
समुद्रझैं ठूलो बन
हावा झैं बहकिएर
तिम्रो कुरा काट्नेहरु
सबलाई उडाइदेऊ ।
(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
