एकपल्ट आफैलाई मोडिएर हेरौं
कविता
सुशीला शर्मा
तोडिएर होइन कि त
मोडिएर हेरौं
बाधाहरुमा पुल बनी
जोडिएर हेरौं ।
गार्हो छ है रितिथिति
चालचलन फेर्न
बिषाक्त सङ्गतहरु
छोडिएर हेरौं ।
विभेद र अन्यायको
जरा फैलिराछ भने
अन्तरकुन्तर खोजिकन
पढिएर हेरौं ।
आवाजबिहिन बोल्न थाले
समानताको लागि भने
अलि सचेत भन्नेहरु
अडिएर हेरौं ।
कति गर्नु अरुकै
अर्घेलोको कुरा हजुर
एकपल्ट आफैलाई
मोडिएर हेरौं ।
…
(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)