कोहिसँग मन जोड्न हुन्न रै’छ साथी

कविता

भावना रिमाल

विना कारण कोहिसँग मन जोड्न
हुन्न रैछ है साथी ।
अँधेरी र उज्याली किरण अरुलाई भन्न
हुन्न रैछ है साथी ।।

स्वार्थी छु म पनि अलि धेरै नै
जसलाई म चाहन्छु, उसलाई पाउनै पर्छ
भन्न हुन्न रैछ है साथी ।
धोका मिल्छ आँखा चिम्ली
विश्वास गर्दैगर्दा अलि धेरै नै ।।

एउटैको यादमा
सधै तड्पिरहन हुन्न रैछ है साथी ।
अप्ठ्यारोको त्यो भेलमा ममात्रै
जान्न भन्न हुन्न रैछ है साथी ।।

जता जान्छौं
उतैतिर मोडिनु छ जिन्दगीमा ।
सधैंभरी
विश्वास गर्न हुन्न रैछ है साथी ।।

…

(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)