तिमी पछ्याइरहु, म भागिरहुँ
कविता
सुफल थपलिया
तिमी पछ्याइरहु
म भागिरहुँ
यसैमा छ एउटा जीवन र
त्यहिँ जीवनभित्र तिमी छौ अनि म ।
निरन्तर बढोस् तिम्रा पाइला पनि
तर, नभेटुन् मलाई
चाहिरहुँ तिमी न्यानो स्पर्श
तर, नजुरोस् त्यो समय ।
तिमी पछ्याइरहु
म भागिरहुँ ।
बाचिरहोस् तिम्रा कल्पनाहरु
तर, नमरोस् मेरा भरोसा पनि
सामिप्य झै लागोस् हरेक अनुभुतिहरु
तर, नगाँसियोस् कागजी सम्बन्ध ।
तिमी पछ्याइरहु
म भागिरहुँ ।
चलिरहोस् यो सिलसिला जीवनभर
मिठो सपनाजस्तै
तर कहिल्यै नजितुँ म
अनि कहिल्यै नहार तिमी ।
तिमी पछ्याइरहु
म भागिरहुँ ।
(कविता, कथा, लघुकथा, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
