सरस्वती तिमी हाम्रो प्रगतिकी दूत हो

कोपिला डाली

पवनकुमार बुढाथोकी

१
सरस्वती हाम्रो प्रगतिकी दूत नै हो तिमी
तिमीलाई लाख लाख बन्दना छ, सबैलाई बाटो देखाऊ
हाम्रो अन्धकार हटाएर उज्यालो छाऊ तिमी ।

२
मानव सबैको साहारा तिमी नै हौ
ज्ञान, वुद्धि, विवेकको श्रोत हाम्रो कोटी नमन
सबैलाई नै दिने आहारा तिमी नै हौ ।

३
सबैलाई सुमार्गमा मात्र तिमीले हिँडाई देऊ
भेदभाव, विभेद र अन्यायका भाव कसैमा नपलाओस्
अवसर सबैलाई बराबर भिडाई देऊ ।

४
सबैले खोजेको ज्ञान, सीप र राम्रो ब्यवहार हो
ज्ञानी, अनुशासित, र कर्तव्यनिष्ठ हुने वातावरण देऊ
पुर्खाले सिकाएको अनुपम हाम्रो ब्यवहार हो ।

५
माया ,स्नेह र आदरभाव नै मनमा बसोस् है
अनादार, उपेक्षा र पिछडापन बहन गर्न नपरोस्
फुर्तिलोपन, जाँगर, संतुष्टी तनमा पसोस् है ।

…
(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)