गान्तोकबाट घलेभाइका बीस हाइकु
युवराज घलेभाइ
गान्तोक, सिक्किम
१.
पुरानो लालबजार
कहाँ खोजूँ
मेरी आमालाई ।
२.
नफल्ने
बनतरुल
गोर्खाल्यान्ड ।
३.
अब त तिम्रो झूटो
आश्वासनको क्रान्ति
बेकाम छ ।
४.
अहम
अर्कालाई मारेर
आफू महान बन्ने ।
५.
वैंस
जूनको मुस्कानमा
गुराँसको रंग ।
६.
सपनाको एउटा माला
विपनाको थुङ्गाहरु
भएर चुडिँयो ।
७.
बाँचेको देश
देशदेखि प्रदेशको कथा
रित्तो सपना ।
८.
आगोका फूल
मनका माझबाट
विद्रोह बोल्छन् ।
९.
भेंडाको हुल
महलमा सुस्ताउँछन्
पुल्ठो खोजौं न ?
१०.
नेताको थुप्रो
काम गर्नु छैन
भयो बेकार ।
११.
ठूलो समुन्द्र
नूनै नूनको पानी
भो क्रान्तिको परिवर्तन ।
१२.
परिवर्तन
निरङकूश शासन
पल्टा खान्छ अवश्य ।
१३.
मान्छेको बोली
आफैंलाई ढाट्छ
भरोसा कति ?
१४.
बेघर मान्छे
घरको सपना
घाट पुग्छन् ।
१५.
गरिबी बोली
एक गाँस र बास
पेटै कोपरयो ।
१६.
यो गान्तोक शहर
भ्रष्टाचारमा मान्छेत्व
भोग लिने गर्छन् ।
१७.
निक्कै नै चर्को
रित्ता परेलीभित्र
भोकको गीत ।
१८.
भावना ओडदै
भोकसँग बाँचेको
मेरो नम्रता ।
१९.
परिवर्तन
उपाख्यान श्रृङखला
हास्यव्यङ्ग्य ।
२०.
सप्रसंग व्याख्या गर
क्रान्ति, परिवर्तन, व्यवस्था
बेरोजगारी, मोर्चा, मर्चा ।
…
(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)
