मुर्दावाद र जिन्दावाद भन्न आएन अनि परदेश हिँडे

बाध्यताले परदेश हिँडे

बसन्ता पोख्रेल
धुर्कोट, नयाँगाउँ, गुल्मी

मेरो सर्टिफिकेटले कुनै ठाँउ पाएन
परदेश हिँडे
धितो राखेको ऋण तिर्न सकिन
अनि परदेश हिँडे ।

रातमा निद्रा लाएन
अनि परदेश हिँडे
आत्माले शान्ति पाएन
अनि परदेश हिँडे ।

बजार गए, मसँग शिक्षा छ भन्दा
मेरो शिक्षाले नुन तेल पाएन
अनि परदेश हिँडे ।

साहु बारबार आएर लालपुर्जा माग्न थाल्यो
आमाले तिलहरी दिँदा पनि पत्याएन
अनि परदेश हिँडे ।

खास म कुनै पार्टीको झोले हुन्थेँ भने
जीवन सहज हुन्थियो होला
झुटमा साथ दिँदै मुर्दावाद र जिन्दावाद भन्न आएन
अनि परदेश हिँडे ।

Leave a Reply

Your email address will not be published.

सम्बन्धित समाचार

Back to top button