सुरम्य बगैँचा सजियो अनुपम उपहारले
गमुको पाठशालाः उत्कृष्ट ३ मध्ये १ गजल
विमला नेपाल
काठमाडौं
छङ्छङ् गर्ने झरना अनि खोला यहाँ
प्राकृतिक सौन्दर्यले भरिपूर्ण झोला यहाँ ।
सुरम्य बगैँचा सजियो अनुपम उपहारले
हजारौं पर्यटक भित्रिएका होला यहाँ ।
देउराली र भञ्ज्याङमाझ बग्छिन् यिनी
वर्षा याममा उर्लिँदा हान्लिन् सोला यहाँ ।
स्वाधीन रहन नपाई कृत्रिम संरचनाले
विध्वंस गर्ने हो कि मानव चोला यहाँ ।
प्राकृतिक सज्जामा विज्ञान अतिक्रमण
पन्साउन आउनु पर्ने हो कि भोला यहाँ ?
(सत्यकथा, कथा, लघुकथा, कविता, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
