दुई बच्चीको आमा ल्याइ झट्केलोको बाउ भएँ
। हास्य ।
सुरेन्द्र लामा तामांग
रासन दोकान राखी म त पसलको साहु भएँ
दुई बच्चीको आमा ल्याइ झट्केलोको बाउ भएँ ।
किनकिन यो मन अचेल दोमन भा छ म मा
कन्या भनी ल्याएछु मैले दुई बच्चीको आमा ।
एकबारको जुनी हाम्रो मिलन पछि काइदा भो
दुइ बच्चीको आमा ल्याइ एउटा छोरो फाइदा भो ।
बजार जादा मन लाग्यो किन्न आज साडी मलाई
भैसी किन्न जाँदा खेरी उपहार पर्यो पाडी मलाई ।
रुखोबारी खनी रोप्दा लसुनसँग प्याज आयो
भाग्यमानी रैछु म त साँवासित ब्याज आयो ।
रासन दोकान राखी म त पसलको साहु भएँ
दुई बच्चीको आमा ल्याइ झट्केलोको बाउ भएँ ।
(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
