सपना नदेखेकै जाती
कविता
सुशीला चौरेल
सपना धेरै दिनमा देखें रातमा कति कति
पूरा हुन्नन् सपनाहरु नदेखेकै जाती ।
सपनामा टाढा पुगे, पुगे माथि माथि
पूरा हुन्नन् सपनाहरु नदेखेकै जाती ।
सपना देखे सम्वृद्धिको भयो प्रगति !
पूरा हुन्नन् सपनाहरु नदेखेकै जाती ।
सपनामा दिन नै देखें, देखेंन नि राति
पूरा हुन्नन सपनाहरु नदेखेकै जाती ।
सपनामै आफ्ना देखें, भागे पराई जति
पूरा हुन्नन् सपनाहरु नदेखेकै जाती ।
सपनामै मित लाए प्रित कति कति
पूरा हुन्नन् सपनाहरु नदेखेकै जाती ।
सपनामा इष्र्या छैन, सबको माया अति
पूरा हुन्नन् सपनाहरु नदेखेकै जाती ।
(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
