कालिन्चोक पुग्दा फुरेको कविता ‘शहरलाई शहरमै छोडेँ मैले’
सुशीला शर्मा
मन बिसाउन हिउँचुलीको
पल्लोपट्टि गइ हेरेँ
एकै छिन त लाग्यो मलाई
ओहो ! जुनी फेरेँ मैले ।
हिमालको उज्यालो त्यो
सपननीमा देख्या थिएँ
विपनामै स्वदेशको
स्वच्छता पो हेरेँ मैले ।
शहरले अट्टहास गरी गरी
जिस्क्याउँथ्यो
पहाड चढी
शहरलाई
शहरमै छोडेँ मैले ।
कति दिनु मनलाई दुख
पिर चिन्ता खेलाएर
केही क्षण त मनको बोझ
अन्त कतै छोडेँ मैले ।
(सत्यकथा, कथा, लघुकथा, कविता, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
