धुलोबाट पिचमा पुग्छ एक दिन
गजल
लीलाराज दाहाल
बागमती ११, कर्मैया, सर्लाही ।
छेउको मान्छेबिचमा पुग्छ पुग्छ एक दिन
धुलोबाट पिचमा पुग्छ पुग्छ एक दिन !
कतिन्जेल रमाउला र पराजय पनि
हारबाट जीतमा पुग्छ पुग्छ एक दिन !
संघर्षको बाटो यो छिचोलेपछि त
हेयबाट मितमा पुग्छ पुग्छ एक दिन !
आफैं कस्छ लगाम यो नयाँ बिहानीले
छाडाबाट रीतमा पुग्छ पुग्छ एक दिन !
(कविता, कथा, लघुकथा, मुक्तक, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
