बाटो छेउको तिरस्कृत तितेपाती बनाइयो !
गजल
एक्लो प्रितम खड्का
रुपन्देही ।
रुपको राजा धन मनग्गे साथी बनाइयो
धन क्रय भो सम्बन्धमा घाती बनाइयो !
राम्रै हुन्थ्यो हरेक कुरा पच्थ्यो झगडा नि
धन हुन्जेल हरेक चिजमा जाती बनाइयो !
सिसाजस्तै सम्बन्धमा छाड्यो आइ दरार
तेल थिग्राउँदै मलाइ पछि काती बनाइयो !
विश्वास पनि अति नै विश्वासमै घात भयो
ऊ भइ सलाई मलाई बाल्न बाती बनाइयो !
सकियो सब स्वार्थ लुट्न बाँकी छैन केही
बाटो छेउको तिरस्कृत तिते पाती बनाइयो !
(तपाईं पनि आफ्ना कविता, कथा, लघुकथा, दैनिकी, संस्मरण, लेख आदि नेपालनाम्चाको इमेल nepalnamcha@gmail.com मा पठाउनु होला ।)
