आफ्नो प्राण त्याग्न मान्छेका छातीमा अचेत पल्टिरहेको मृत्यु

कवि बेलवासेले मृत्यु शीर्षकमा कविता लेखिरहेका छन् । उनका अनुसार मृत्युसंवादले जीवनको गहिराई बुझाउँछ ।

मृत्यु–१४

ठाकुर बेलवासे

दुःखेर
बेहिसाब पीडामा अथाह पिरोल्लिएको
मृत्यु
हरेक क्षण दुःखमा छ ।

मान्छेका घाउहरुमा
रोगहरुमा
खुसीहरुमा पनि
छटपटिरहेको मृत्यु
मान्छेभन्दा बढी दुःखमा छ
मान्छेभन्दा बढी पीडामा छ ।

आफ्नो प्राण त्याग्न
मान्छेका छातीमा अचेत पल्टिरहेको मृत्यु
साँच्चै निरीह छ
टिठलाग्दो छ ।

विचरा मृत्यु
मान्छे नभएको भए
मर्नका लागि के गथ्र्यो होला !

आफ्नो अन्त्यका लागि
मान्छेको सहरा लिने
अत्यन्त कमजोर त्यही मृत्युसंग
संसारमा मान्छे भयानक भयवित छ !


(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)

Leave a Reply

Your email address will not be published.

सम्बन्धित समाचार

Back to top button