फिक्का हाँसो, ढिक्का रोदन

कविता

अभिषेक रिसाल

त्यो उदास मुहारभित्र
बलिरहेको ज्वाला देख्छु
फिक्का हाँसो समेतको
ढिक्का ढिक्का रोदन भेट्छु ।

बन्द गरी आँखा मेरा
स्वचित्त मनन गर्दा
अन्धेरीभित्र चित्रित
उजेलिदो रूप देख्छु ।

छहरा मा सुस्ताउँदै
हराउँदै झरे सरी
मोती दाना आँसुहरु
रुझाउँदै परेली
क्षितिज पारी नियालेर
रमणीय किरणहरु
सम्झनाको कोसेलीमा
बिताउँदै दिनहरु ।

सँगै बसी छड्के नजर
एक तिमीतिर पर्दा
त्यो उदास मुहारभित्र
बलिरहेको ज्वाला देख्छु
फिक्का हाँसो समेतको
ढिक्का ढिक्का रोदन भेट्छु ।


(नमस्कार ! नेपालनाम्चा तपाईंको मिडिया साथी हो । र, nepalnamcha@gmail.com मा परिचय, फोटोसहित मनका अनेक कुरा, सबै कुरा पठाउनुहोला ।)

Leave a Reply

Your email address will not be published.

सम्बन्धित समाचार

Back to top button