बुद्धको सन्देश झुटो ठहरियो !

कविता

रतन साउँद

नारा र जूलूसले क्रान्ति सुरु गरायो,
देव देवल अनि मठ मन्दिरहरु भत्काउन लगायो ।

दलित, जनजाति र पिछ्डा वर्ग कहलायो,
तिन्कै काँधमा चढी आफू माथि उक्लने सिँडी बनायो ।

निरंकुशतन्त्र भनी राजतन्त्र बिस्थापित बनायो,
हजारौ एक्से एक छोटे राजा हरुलाई स्थापित गरायो ।

सामाजिक मुल्य र मान्यताको अन्त्य गरायो,
सामन्तबाद, पूँजीवाद र विस्तारवाद मुर्दावाद भन्न लगायो ।

गरिबका छोराछोरीलाई टुहुरा बनायो,
नेपाली वीरका सपूत भन्दै हातहतियार बोक्न लगायो ।

विदेशीको इशारामा मूल कानुन बनायो,
प्रजातन्त्र, लोकतन्त्र र गणतन्त्रलाई मागी खाने भाँडो बनायो ।

विश्वसामु नेपाली हूँ भन्न लाजै लगायो,
तहखाना खन्न लगाई हजारौ दरबारहरु आफ्ना खडा गरायो ।

गरी खाने सीप र ब्यवसायहरु बन्द गरायो,
विदेशीका शरणमा देश छाड्न लगाई हामीलाई शरणार्थी बनायो ।

यो देशको आज यस्तो गति बनायो,
यहीँ त छ नि ज्ञानको मुहान, गौतम बुद्धको सन्देश झुठो ठहरियो !

…

(नमस्कार ! एउटा कुरा भनौं है, तपाईं पनि लेख्नु न । जीवन र जीवनसँग सम्बन्धित कुनै पनि कुरा लेख्नु । नेपालनाम्चा तपाईंको मिडिया साथी त हो । र, nepalnamcha@gmail.com यसको इमेल हो । यही इमेलमा आफ्नो परिचय, फोटोसहित आफ्ना मनका अनेक कुरा, सबै कुरा पठाउनुहोला ।)