मेनका, उर्वशी, तिलोतमा, सुनकेशरी कति नाउँ नजरको
सोम्नु राई
होहल्ला चर्काचर्की प्रेमभाउ बजारको
त्यो भन्दा नि खुल्ला व्यापार आँखीदाउ नजरको ।
कसले कसलाई के भनेर बोलाउने हो थाहा छैन
जताततै बल्झी दुख्छ दुष्ट घाउ नजरको ।
भ्रस्टाचारी विचौलिय ठगैठगको बास भयो
आँखा झिमिक माल हरायो हजार छन् साउ नजरको ।
आखिर किन वैरभाव अनि दुश्मन भए दुनियाँ सार
एउटै त हो मान्छे मान्छे किन दाउ हजारको ।
मेनका ! उर्वशी ! तिलोतमा ! सुनकेशरी !
सबै जना नारी नै हुन् कति नाउँ नजरको ।
होहल्ला चर्काचर्की प्रेमभाउ बजारको
त्यो भन्दा नि खुल्ला व्यापार आँखीदाउ नजिकको ।
…
(नमस्कार ! एउटा कुरा भनौं है, तपाईं पनि लेख्नु न । जीवन र जीवनसँग सम्बन्धित कुनै पनि कुरा लेख्नु । नेपालनाम्चा तपाईंको मिडिया साथी त हो । र, nepalnamcha@gmail.com यसको इमेल हो । यही इमेलमा आफ्नो परिचय, फोटोसहित आफ्ना मनका अनेक कुरा, सबै कुरा पठाउनुहोला । सम्पादक)
