फुटाउने भएछ खेल यो
गजल
पुष्पा नेपाल (सुवेदी)
इलाम
नजानिँदो गरेर मेल यो
फुटाउने भएछ खेल यो
तितामिठा कुरा लगाउँदै
लुकेर गर्छ फेरि झेल यो
जहाज आउँदै छ भन्छ खै
यहाँ कुदाउँदैन रेल यो
हुँदैन बोल्न देखिने कुरा
समाउँदै छ हाल्न जेल यो
उँधोउँभो सरेर ठोक्किँदा
लडिन्छ झैँ भएर फेल यो
…
(नमस्कार ! एउटा कुरा भनौं है, तपाईं पनि लेख्नु न । जीवन र जीवनसँग सम्बन्धित कुनै पनि कुरा लेख्नु । नेपालनाम्चा तपाईंको मिडिया साथी त हो । र, nepalnamcha@gmail.com यसको इमेल हो । यही इमेलमा आफ्नो परिचय, फोटोसहित आफ्ना मनका अनेक कुरा, सबै कुरा पठाउनुहोला । सम्पादक)
